Plantun de Prouvènço

Pèr coumpara dos planto d'encò nostre

Medicago coronata & Lilium bulbiferum

Medicago coronata

Fabaceae Leguminosae

Noms en français : Luzerne à gousses en couronne, Luzerne couronnée.

Descripcioun :
Aquesto pichoto luserno trachis dins li tepiero roucaiouso e li baus caud. La planto èi bourrihudo d'en pertout emé d'estipulo gaire prefoundo. Li flour, pièi li fru soun pourta pèr de long pecou bèn mai long que la fueio d'à coustat. Se recounèis peréu à si dòusso en courouno eisado de destria (viron sus 1 à 3 tour, emé d'espino croucudo -fotò).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 30 cm
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Medicago
Famiho : Fabaceae
Famiho classico : Leguminosae

Ordre : Fabales

Coulour de la flour : Jauno
Petalo : irreguliero
Ø (o loungour) flour : 2 à 3 mm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Abriéu à jun

Liò : Tepiero roucaiouso - Roucaio - Baus - Garrigo
Estànci : Termoumediterran à Subremediterran
Couroulougi : Estenoumediterrano
Ref. sc. : Medicago coronata (L.) Bartal., 1776

Tonipan

Lilium bulbiferum

Liliaceae

Àutri noum : Peiloulet, Lis-de-Sant-Jan, Flour-dal-sacre-couor.

Noms en français : Lis safrané, Lis orangé.

Descripcioun :
Lou tonipan (Vesubiò) apela encaro peiloulet (Tiniò), pulèu rare, trachis dins li prado e li pendis roucassous de mountagno. Se vèi de liuen e se recounèis eisadamen emé si grosso (5 à 8 cm) e bèlli flour aranjo, pourtado pèr uno cambo cuberto de fueio estrecho, longo e noumbrouso.

Usanço :
Èro acampa pèr n'en faire de bouquet. Li flour, macerado dins l'òli o l'aigardènt servien pèr sougna li macaduro. Aro es apara, marca sus listo roujo, categourìo soucit minour.